Obat Herbal Menurut Rontal Wrespatikalpe

   OM SUASTIASTU

Pangelebur ipian ale, serane, sekar wangi, sekarang mantre :

Ong indre kesumeye nama suaha, telas.

Tamba weteng lare ring sisikan, angulet-ulet, tiwang nage, ngaran.

Wedaknie, kunyit warangan pamor bubuk, babakan undubng, rogi, isian rong wayah, ulig, dingubdine, mantre :

Ong idepaku sang hyang Tunggal anambanin, teke waras-waras-waras, teke ilang-ilang-ilng, Ong isu iname sue iname (3x)

Tambe wetengnie ngilut-ilut sakitne, serana gedang sabene kameruse lablab apang gebuh, ragi, ginten cemeng, lungid mumenyan madu, ulig, lelohang, arapnyane umbin kayu tawe bawang adas.

Tambe mejen jile buke belah.

Serane don papah iduh, don dapdapne ude, bawang adas, bawang, ulig, lengis tanusan, tambelakene silitnie.

Tambe nyakitang basang, angilut-ilut teked ulun tai,anglulu teked kasiksikan, angalintuh, ngaridip, ngelunte, bengke, kaku wetengnie, metu nanah getih ring sarire, mokan ring jero ngaran.

Serene, akah paku jukut, akah kendal batuke, bungsilnyuh gadang, tarotokan nyuh, gule, ampo, temutis, pulesai, bawang tambus, anggon loloh, ampasne anggen uwap.

Tambe weteng laare ngalulu kaulun tingalintuh mailehan, metu nanahgetih mebanyeh, moken bangiang ngaran Serane babakan bangiang,kesune jangu, ulig yeh arak, anggon loloh, ampase anggen boreh.

Tambe bangkiyang juweh (jungkeh) erane isen pamor bubuk, ulig, arapakene.

Tambe tangan maluang, muang rumpuh, erane don pancar sono, kangkang yuyu bawang adas, anggon boreh.

Tambe saluwiring tuju, erane babakn book kunyit, teri katuke, anggon baboreh.

Tambe rumpuh, serana babakan pule, baas barak musi, ulig arapakene.

Tambe rumpuh, serana babakan empag, kesun ajangu : pamor bubuk, yeh arak anggon boreh.

Tambe berung tawunan, serane, lunak, knyit, asaban tembage, kulit terung-trung, kulit pangi ring seme, kulit tingkih ring tembang kesune jangu sami geseng yeh cuke, anggon boreh.

Tambe likad, serane ruanig papah iduhngapit marge, miane cemeng. Selasih merik, temutis, bawang adas, sembarakene, malih don awar-awar, isen teri katuke (sune jangu) sembarakene.

Tambe tiwang berare, awaknie gerah, uyang kumeridip tanganie, serane ruaning (don) base-base kayu toktok. I manggi gunung, bawang, jebug arum, dadah usugakene,

Borehnie kapkap, buah jebug, isen sune jangu, asabang cenana. Boreh batise, erana babakan tibah, babakan cereme, terri katuke, beras bang, yeh arak, wang-wang baonge, bangle gamonngan, kunyit, cekuh, sintok, ulig.

Tambe buyan sangar, busung, ayan, bante, serane wong tain sampi, mice, tabiye bun, injin ligundi lanang, uyahh dadiang besik, ulig apang dekdek, isinin, gule, santen dadah apang lepah, ginawe dodol, pangan sai-sai, palanicdoh ikang lare roge.

Tambe awaknie kekeh, tiwang bantang, ngaran :

Serane keriken bantang, isin rong, terikatuke, anggon boreh. Tutuhnie jebug arum, tain yeh cenana, menyan, yeh juuk, mantre : 

Ong Berahme Wisnu, anambanin, teke muksah waras, teke ilang 3x, kedep sidi mantranku.

Yan lre amance warne awaknie sade ireng mekanten, tiwang buaya, ngaran.

Serane gempong panggal buaya, ragi, sinrong wayah, wededakena (borehang)

Tambe lare awaknia kembang, tiwang banyu ngaran, serana kapkap base, babakab tingulun, ragi, ulig, anggon loloh, ampasne anggon boreh.Mantre :

Ong berahme angelaranin, teke muksah waras, teke ilang 3x, kdep sidi mandi mantranku.

Tanbe yan lare awaknie ngerigis, wetengnie bulat tiwang gandrong, ngaran.

Serane, munck lili gundi telung muncuk, pule telung muncuk suren telung raagi, sinrong wayah, yeh cuke, arak anggon loloh.Sembarne, sinrong, kacang ijo, seembar ring pungsed,Mantre :

Ong idepaku sang hyang surye anambanin, sidiwastu namah suahe,

Tambe tiwang kadi ayan, manelik matanie mangejat, tiwang tojos, ngaran.

Serane, don jempinis, bawang katut akahnie, teri katuke tutuh irungnie. Tambe yan kukul tangan sukunie (dengkur), serana don manuri kuning, jae, apuh bubuk, pusuhanggon boreh ulig. Mantre :

Ong male muksah dening anak 3x, biar apa dang. 

Malih serana dong canging, beras gage, taining uyah, mantre :

Ong sang hynag ulan, amelakene larane, mukangkung, kukul deyog, wiwinge munike metu apanan, sirap-sirap-sirap. Borehang.

Tambe uyang kalaning wengi, serane don suren, don dapdap kuning, katumbah bolong. Ulig borehang

Tambe uyang klaning rahina, serana kakap isen, samitunu, ragi, pulesai, yeh asaban cenanan, anggon boreh.

Tambe awak panes buke orob, serane don bingin kuning, isen, katumbuh, ulig yeh, cuke, anggon boreh.

Tambe lare gering gerat, serane akah bungkak nying-nying, akah danse aye, ragi, gegambiran anom, ulig anggon boreh, sembar sembar basangnie, damuh-damuh, akah paku jukut kepasilan, tingkih, bawang adas, simbuh.

Tambe butuh beseh : serane, asabang cenane, yeh juwuk, bawang tambus, mantre : celak barak manempuh padenye barak, teke siag-siag-siag, nanah mapupul, wat mesambung, kulit kiyem, teke lompor.

Tambe uwing : serane, babakan nage sari, sinrong ulig, arapakene,

Tambe, yan ane wong lare angereges awaknia, amangan kuase, awaknie asemu kuning, mokan, pici-pici ngaran, mokan ring jero, ye magenah ring ati, ring nyali, ring papusuhan, eweh laranie, makuning socanie, yan magenah ring suku, rumpuh temahanie ring wkasan, ayua kurang pereyatne, iki tamnin ; serana bungan belimbing buluh, juwuk mepelut, telung besik, muncuk kecemcem, raris timbung olih tiying tali ngude, wus rateng ulet apang lepah, lantas saring, encebin bahan gamet (kapas) tutuh irungnie, borehnie babakan awar-awar ne ring tembok, beras barang, katumbah, isen ulig, borehang.

Tambe, enged, wong agering tegul ring adegane kelod kauh ring salu wetan, wus mategul tigtig dening lidi sekun(21) katih, rarsi simbuh, serane kapkap temu rose, (watne pade) sembar make ukud, raris lebang, wus lebang ingu dening anyang (lawar) puuh aukud, tingkae ngelawar, karekane adukin tabiye kerenyi, satingkahe ngelawar, pengeternie pamupugan, raris pangan, waras denie.

Tambe tuju tan kene tanambanin, serana tanah legit, usugnie cacing base, nyuh tunu-lengis tanusan, yeh uyang sudang.

Tambe, otot mati, cacing mati, kulit mati, serana jae pait, cekuh, isen pule sai, adas, lengis tanusan, ulig, dadah ban pengorengan waje, oles sai-sai. Tutuhnia yeh buah, carman (babakan) nangke ijo, umbin papasan, pulesari, ulig, peres, yeh madu.

Yan ngetor awaknie, tiweng linuh ngaran, serane umbin base-base, umbin papasan, batu kembung, sampar wantu mice, katumbah, anggon boreh.

Yan beseh kenyat-kenyat ototnie, kauk-kauk, tiwangbaruang ngaran, serane bangun beras, yeh cenane, yuuk, anggon boreh malih serane babakan dadap wong, kasune jangu anggon boreh.

Yan ane wang agering warnanie kembang, mesewang gading, tan kerase larnie, keweh budinie wang mangkane serane kalembak kasturi, saledake,madu kelupe, sampar wantu, katik cengkeh, maje keling, cenane jenggi, sintok masuwi, jebugarum, sarikuning, pule sai, yeh juuk tutuh cunguhne, borehne sarwe ulungan, ragi, sinrong.

Yan ane wang gering tagtag, cekutan, lenlenan peparunie kasusupan dening getih mati. Iki tambahie, serane akah ketepang, akah waluh pait, tasik uku, yeh nyonyo, anggon loloh.

Malih yan ane wang agering taag-taag, pegantungan peparunie misi getih mati, iki ubadnie, serane don waluh pait, don tingulun don nangke ijo, sinrong ngude, ulig anggon loloh.

Iki penyarang gering gumigil, rajah gigirnie dening pamor bubuk, rajak gigir tengen bedawang, rajah gigir kiwe, yuyu, simbuh ban kesune jangu pada ping telu, keperisan. Mantere : 

ih kibedawang, kiyuyu, lamungumigil kibedawang-kiyuyu kiyabangbai, Pakinemnie, 

serane, don tuwungkokak, balulang sampi mabobor, ragi atin bawang, ulig, anggon loloh, papusernie buah tibah ngatut bunganie terikatuke ulig, yeh paos gedubang, seet apang tekek basangnie wedaknie, serane lunak, idu bang, borehang buke ukud, raris angetin.

Bantene peras, tatakan perse don pandan, nasi aji keteng, kinom wang agering amangan, ring umah, raris angbaan kulit peras.

Tambe busul, serane don pepe, bayem luur, babakan, canigare, babakan tingulun, isen, katumbah, menyan, madu, wedakene.

Tambe mising, serane kunyit warangan, pamor bubuk, yeh juuk, anggon loloh, ampasnie adukin pamor bubuk, puserakene, waras denie.

Yanie mamengke, serana kakap bejek ban uyah umbah peres, ragi, bangle, sembar wetengnie.

Tambe weteng lare, saluwiring lare, ring jero weteng, serane don jerungge dee, sune jangu, aon, ulig, anggon loloh. Ampasnie adukin aon puserekene, waras denie.

Tambe ngelempuyeng, mangurak, serane, bangkit isen yeh juuk, anggon tutuh.

Tambekene moro, ngorek-ngurek sakitnie, serane babakan dalundung sinusur dening paet, kerikan cenane, kerikan patin sinduk, ragi, isin rong, sembarekene (simbuh),

Tmabe lesuserane akepel, iwak uyah areng, pangan, mantre : 

Ong purne jiwe, pari purne jiwe, pade ping telu amantre. 

Malih serane toye minantre, mantre : 

Ong atme tekeye, muang pereatme mulih ong-ang-ah, telas.

Tambe tan polih aturu, serane gandole putih, bawang tambus, adas, ulig, tutuh irungnie.

Tambe ulun ati beseh, sakite mengancuk-ancuk, serana, tain subatah, ulungan don dadap, isen katumbak injin uyah, sembarakene. (simbuh)

Tambe gatel, genit pekenyenyet, serane akah kelor, isep sune jangu, cabe, jae, nmice, kunyit, ulig, yeh lime, pamor bubuk, anggon boreh.

Tambe gering kedalon, ayanmakiris (berag) awahnie muah kasusupan dening candu, muang mewatuk, serane kasels putih, tambus, bangket isen, getih siap, santen kane magoreng, kadi basan kalas, panganakene dening wange gering, weras.

Tambe mutah nanah, tur delu-delu, serane embong pule, temutis nyuh tunu, kasune jangu, terasi bang, goreng kadi mambaning sesate.

Tambe beteg, serane kerikan dadap kuning, musi, sembar tulang giing nie,malih, serane miane cemeng, temulis menyan, cenena tutuh cunguhne.

Tambe tuli (bongol), serana buah bagiang, tembus tutuhang, masih serana, temu conci, tambus yuyah uku, tutuhang, ampasne sembarakene.

Tambe beteg, muang busung, serane don kayu base, mice (21) jae-pait, ulig lolohang, mantre : 

Ong lare ditu tumeraping daging amti, I dukuh putih anambanin, lare budeng waras.

Tambe edan, sakeluwiring edan, (buduh) (gila) = serane, tain mise buduh, tain jaran putih, jaran bang, semut megat marge, tutuh cunguhne, koping, cangkem, soco, mantre : 

Ong angge-angge-anggi-anggi, wini suahe.

Iki yan kite amerih kspe layuaning musuh (bikin musuh takut dan lari). Mantre :

Ong Ang Ung Mang Ong Ung, coate.

Yan kite mayun sirnaning musuh, serane, pucuk bang sekarang. Mantre :

Rakte mbaran darandewi, rakte mesering Saraswati.